ماہ صیام کے پہلے جمعتہ المبارک پر پنجاب پولیس ہائی الرٹ

 انسپکٹر جنرل پولیس پنجاب عبدالکریم کی ہدایت پر ماہ صیام کے پہلے جمعتہ المبارک پر پنجاب پولیس نے بھرپورسکیورٹی انتظامات کرتے ہوئے لاہور سمیت صوبہ بھر کی 32 ہزار 580 سے زائد مساجد، امام بارگاہوں اور اقلیتی عبادت گاہوں کی سکیورٹی کے لیے 83 ہزار سے زائد پولیس افسران، اہلکار اور کمیونٹی رضا کار تعینات کیے ۔ ترجمان پنجاب پولیس نے بتایا کہ صوبائی دارالحکومت لاہور میں مساجد، امام بارگاہوں اور مارکیٹوں پر 18 ہزار افسران، اہلکار اور کمیونٹی رضا کار سکیورٹی ڈیوٹی کے فرائض انجام دے رہے ہیں۔ آئی جی پنجاب عبدالکریم نے کہا کہ ملک دشمن عناصر پر کڑی نظر رکھی جائے۔

(روز نامہ نوائےوقت)

*******************