آئی جی پنجاب کا نوٹس، آر پی او راولپنڈی سے واقعہ کی رپورٹ طلب

انسپکٹر جنرل پولیس پنجاب ڈاکٹر عثمان انور نے راولپنڈی کہوٹہ کے علاقے بھون روڈ پر فائرنگ سے 04 افراد کے جاں بحق ہونے کے معاملے کا نوٹس لیتے ہوئے آر پی او راولپنڈی سے واقعہ کی رپورٹ طلب کر لی ہے۔ آئی جی پنجاب نے سی پی او راولپنڈی کو فائرنگ میں ملوث ملزمان کی فوری گرفتاری کا حکم دیتے ہوئے کہا کہ قتل کی واردات میں ملوث ملزمان کی گرفتاری کے لئے تمام وسائل بروئے کار لائیں۔سی پی او راولپنڈی نے بتایاکہ ایس پی صدر راولپنڈی نبیل کھوکھر نے  فرانزک ٹیمیوں کے ہمراہ موقع پر پہنچ کر شواہد اکٹھے کر لئے۔سی پی او راولپنڈی نے مزید بتایاکہ واقعہ سابقہ دشمنی کا شاخسانہ، ملزمان کی گرفتاری کیلئے ٹیمیں تشکیل دے دی گئی ہیں اور جلد گرفتار کر لیں گے۔مقتولین میں جنید گل، متین کیانی، شعیب اور ثمر اقبال شامل ہیں۔