آئی جی پنجاب ڈاکٹر عثمان انور کا دشوار گذار، کچہ اور بارڈر ایریاز میں فرائض سر انجام دینے والے پولیس اہلکاروں کیلئے احسن اقدام،
ڈی جی خان، بھکر اور میانوالی کے بارڈر ایریاز میں تعینات اہلکاروں کیلئے ہارڈ ایریا رسک الاؤنس کی منظوری،
1162 افسران و اہلکاروں کو مجموعی طور پر 32 کروڑ 30 لاکھ 38 ہزار روپے ملیں گے، ترجمان پنجاب پولیس
انسپکٹر جنرل پولیس پنجاب ڈاکٹر عثمان انور کی جانب سے دشوار گذار، کچہ اور بارڈر ایریاز میں فرائض سر انجام دینے والے جانباز پولیس اہلکاروں کی حوصلہ افزائی کیلئے ایک اور احسن اقدام اٹھایا ہے۔ آئی جی پنجاب نے کہا کہ ڈی جی خان، بھکر اور میانوالی کے بارڈر ایریاز میں تعینات اہلکاروں کیلئے ہارڈ ایریا رسک الاؤنس کی منظوری دی جارہی ہے جس کے تحت 1162 افسران و اہلکاروں کو مجموعی طور پر 32 کروڑ 30 لاکھ 38 ہزار روپے ملیں گے۔ ترجمان پنجاب پولیس نے بتایا کہ بارڈر ایریاز میں تعینات ڈی جی خان پولیس کے 565 افسران و اہلکاروں کیلئے 13 کروڑ 89 لاکھ کی منظوری دی گئی ہے، اسی طرح بھکر پولیس کے 134 افسران و اہلکاروں کیلئے 03 کروڑ 33 لاکھ 12 ہزار روپے کی منظوری دی گئی ہے جبکہ میانوالی پولیس کے 562 افسران و اہلکاروں کیلئے 15 کروڑ 08 لاکھ 26 ہزار روپے کی منظوری دی گئی ہے۔ ڈی ایس پی کو 40 ہزار اور اپر سب آرڈینیٹس کو 25 ہزار روپے ماہانہ ملیں گے، لوئر سب آرڈینیٹس کو 20 ہزار جبکہ کلاس فور ملازمین کو 18 ہزار روپے ماہانہ ملیں گے، آئی جی پنجاب ڈاکٹر عثمان انور نے کہا کہ ہارڈ ایریا رسک الاؤنس سے دشوار گذار علاقوں میں تعینات پولیس فورس کے مورال میں اضافہ ہوگا اور پولیس فورس پہلے سے زیادہ دلجمعی اور لگن کے ساتھ سماج دشمن عناصر کا قلع قمع یقینی بنائے گی۔ ڈاکٹر عثمان انور نے مزید کہا کہ حکومت پنجاب کے تعاون سے بارڈر ایریاز میں چیک پوسٹوں کو جدید وسائل کی فراہمی سے مضبوط بنایا جا رہا ہے اور پولیس فورس اہلکاروں کی سہولت کیلئے مزید اقدامات کا سلسلہ جاری رہے گا۔
(ہینڈ آؤٹ نمبر1229)
سیدمبشر حسین
ڈائریکٹر پبلک ریلیشن
پنجاب پولیس
***************************