میانوالی میں دیرینہ دشمنی پر فائرنگ سے 02 افراد قتل، 04 زخمی ہونے کا معاملہ آئی جی پنجاب ڈاکٹر عثمان انور کا نوٹس

انسپکٹر جنرل پولیس پنجاب ڈاکٹر عثمان انور نے میانوالی میں دیرینہ دشمنی پر فائرنگ سے 02 افراد قتل اور 04 زخمی ہونے کے معاملہ کا نوٹس لیتے ہوئے آر پی او سرگودھا سے رپورٹ طلب کرلی ہے۔ آئی جی پنجاب ڈاکٹر عثمان انو رنے ڈی پی او میانوالی کو ملزمان کی فوری گرفتاری کا حکم دیتے ہوئے کہاکہ ملزمان کو گرفتار کرکے قرار واقعی سزا دلوائی جائے۔ آئی جی پنجاب نے ہدایت کی کہ لواحقین کو انصاف کی فراہمی ترجیحی بنیادوں پر یقینی بنائی جائے۔ ترجمان پنجاب پولیس نے کہاکہ ہلاک ہونے والوں میں عدنان اور عاصم شامل جبکہ حماد، کامران، تابش اور عابد زخمی ہوئے ہیں۔

(روز نامہ ایکسپریس)