Oct 16, 2024
لاہور کے نجی تعلیمی ادارے میں طالبہ کے ساتھ مبینہ زیادتی کے غیر مصدقہ واقعہ کے بارے ترجمان پنجاب پولیس نے کہا ہے کہ مبینہ واقعہ کے متعلق اگر کسی شہری کے پاس کوئی بھی انفارمیشن ہے تو ورچوئل ویمن پولیس اسٹیشن کو مطلع کریں، شہری 15 پر کال یا ویمن سیفٹی ایپ کے ذریعے ورچوئل ویمن پولیس اسٹیشن سے رابطہ کر سکتے ہیں، اطلاع دینے والے کا نام صیغہ راز میں رکھا جائے گا۔ ترجمان پنجاب پولیس نے کہاکہ غیر مصدقہ واقعہ کے متعلق ہر پہلو کا بغور جائزہ لیا جا رہا ہے، قانون و انصاف کی بالادستی کو ہر صورت مقدم رکھا جائے گا۔
(روز نامہ جناح)
***********************