انسپکٹرجنرل پولیس پنجاب ڈاکٹر عثمان انور پولیس ملازمین اور انکے اہلخانہ کی بہترین ہیلتھ ویلفیئر کیلئے ترجیحی اقدامات جاری رکھے ہوئے ہیں جس کے تسلسل میں آئی جی پنجاب نے لاہور سمیت مختلف اضلاع میں خدمات سر انجام دینے والے ملازمین کو طبی اخراجات کیلئے مزید 14 لاکھ 50 ہزار روپے جاری کر دئیے ہیں۔ تفصیلات کے مطابق ساہیوال کے سب انسپکٹر ندیم انور عاصم کو کینسر کے علاج کیلئے اڑھائی لاکھ روپے دئیے گئے، شیخوپورہ پولیس کے ریٹائرڈکانسٹیبل سید شمشاد حسین کو طبی اخراجات کیلئے 02 لاکھ روپے جاری کئے گئے، ساہیوال پولیس کے انسپکٹر محمد اسحاق کو عارضہ جگر کے علاج کیلئے 02 لاکھ 50 ہزار روپے دئیے گئے، گجرات کے کانسٹیبل ندیم عامر (مرحوم) کی اہلیہ کو وہیل چیئر کیلئے ڈیڑھ لاکھ روپے دئیے گئے، لاہور پولیس کے اے ایس آئی محمد شفیق اور ہیڈ کانسٹیبل رب نواز خان کو علاج کیلئے 01 لاکھ روپے فی کس دئیے گئے۔ سپیشل برانچ کے اے ایس آئی محمد اشفاق انجم، پی سی کانسٹیبل محمد محسن اسد کو طبی اخراجات کیلئے 01 لاکھ روپے جاری کئے گئے۔ میانوالی کے اے ایس آئی شوکت جاوید خان اور پی سی فاروق آباد کے سلطان احمد کو علاج معالجے کیلئے 01 لاکھ روپے فی کس دئیے گئے۔
(روز نامہ سٹی 42)
*************************