لاہور(کر ائم رپو رٹرسے) آئی جی پنجاب ڈاکٹر عثمان انور نے راولپنڈی کا دورہ کیا اور محرم الحرام کے مرکزی جلوسوں اور مجالس کے سکیورٹی انتظامات کاجائزہ لیا ۔ ایڈیشنل آئی جی سی ٹی ڈی وسیم سیال، آرپی او راولپنڈی بابر سرفراز الپا اوردیگرسینئر آ فیسر بھی موجودتھے ۔ ئی جی نے کہا کہ تمام اسٹیک ہولڈرز، علماء، منتظمین اور شہریوں کے تعاون سے امن و امان کی فضا برقرار رکھنے کے لیے پولیس مکمل مستعد ہے، آر پی او نے بریفنگ دیتے ہوئے کہاکہ حساس جلوسوں سے قبل روٹس اور مقامات کی مکمل سکریننگ و سویپنگ کروائی جارہی ہے تمام جلوسوں کی CCTV کیمروں کی مدد سے مانیٹرنگ جاری ہے ۔ آئی جی پنجاب نے پولیس خدمت مرکز لیاقت باغ ، سیف سٹی پراجیکٹ کے جاری تعمیراتی کاموں کا جائزہ لیا ، آئی جی نے کہا کہ سیف سٹی راولپنڈی کے 1600 کیمرے نصب ہو چکے ہیں ۔ مزید برآں ڈاکٹر عثمان انور کی ہدایت پر عشرہ محرم الحرام کے چھٹے روز صوبہ بھر میں پنجاب پولیس ہائی الرٹ رہی ۔
(روز نامہ جنگ)
٭٭٭٭٭٭٭٭٭٭٭٭٭٭٭٭٭٭٭٭٭