اقوام متحدہ کا پبلک سروس ڈے

اقوام متحدہ کا پبلک سروس ڈے

پنجاب پولیس آج کے دن پبلک سروس ڈلیوری میں بہتری، شفافیت اور جوابدہی کے لیے اپنے عزم کا اعادہ کرتی ہے، آئی جی پنجاب 

پولیس سٹیشنز، خدمت مراکز اور دفاتر میں سروس ڈیلیوری میں بہتری لا رہے ہیں، آئی جی پنجاب

انسپکٹر جنرل پولیس پنجاب ڈاکٹر عثمان انور نے اقوام متحدہ کے پبلک سروس ڈے کے موقع پر اپنے خصوصی پیغام میں کہا ہے کہ پنجاب پولیس آج کے دن پبلک سروس ڈلیوری میں بہتری، شفافیت اور جوابدہی کے لیے اپنے عزم کا اعادہ کرتی ہے، آئی جی پنجاب نے کہا کہ پولیس سٹیشنز، خدمت مراکز ، ٹریفک پولیس اور دیگر دفاتر میں پبلک سروس ڈیلیوری میں مزید بہتری لا رہے ہیں تاکہ زیادہ سے زیادہ شہری پولیسنگ سروسز سے مستفید ہو سکیں ، آئی جی پنجاب نے کہا کہ پنجاب پولیس کے پبلک سروس ڈلیوری کے فلیگ شپ پراجیکٹ پولیس خدمت مراکز کارکردگی میں سب سے اول ہیں اور ہر برس لاکھوں شہری ان دفاتر سے مختلف سروسز حاصل کر رہے ہیں۔ 

تفصیلات کے مطابق گذشتہ 24 گھنٹوں کے دوران لاہور سمیت صوبہ بھر سے 6900 سے زائد شہریوں نے پولیس خدمت مراکز سے مختلف خدمات حاصل کیں، 2400 سے زائد شہریوں نے پولیس کریکٹر سرٹیفیکیٹ حاصل کئے، 2687 شہریوں نے پولیس ویری فیکیشن کروائیں، 300 سے زائد شہریوں نے دستاویزات کی گمشدگی رپورٹس جبکہ 400  نے کرایہ داری اندراج کروائے۔ آئی جی پنجاب ڈاکٹر عثمان انور نے مزید کہا کہ 26 فروری سے جاری خصوصی مہم کے دوران 07 لاکھ سے زائد شہریوں نے پولیس خدمت مراکز سے پولیسنگ خدمات حاصل کیں، 02 لاکھ 03 ہزار سے زائد شہریوں نے کریکٹر سرٹیفیکیٹ، 02 لاکھ 83 ہزار شہریوں نے ویریفیکیشن کروائیں 23 ہزار سے زائد شہریوں نے گمشدگی رپورٹس جبکہ52 ہزار سے زائد شہریوں نے کرایہ داری اندراج کروائے، آئی جی پنجاب ڈاکٹر عثمان انور نے مزید کہا کہ پنجاب پولیس شہریوں کو خدمات کی آسان ترین فراہمی بنانے کیلئے جدید ٹیکنالوجی کا استعمال یقینی بنا رہی ہے، 

(ہینڈ آؤٹ  نمبر625)

سیدمبشر حسین

ڈائریکٹر پبلک ریلیشن

پنجاب پولیس

***************************