Jun 02, 2024
لاہور(نامہ نگار)ترجمان پنجاب پولیس نے بتایا کہ رواں برس صوبہ بھر میں کائٹ فلائنگ کیخلاف ایکشن میں 4147 مقدمات درج کئے گئے ، پتنگ بازی میں ملوث 4277 ملزمان کو گرفتار کرتے ہوئے سخت قانونی کاروائی عمل میں لائی گئی۔ملزمان سے 244470 پتنگیں اور 16878 دھاتی ڈور کی چرخیاں برآمد کی گئی ہیں۔آئی جی پنجاب ڈاکٹر عثمان انور نے صوبہ بھر میں کریک ڈاؤن بلا تعطل جاری رکھنے کی ہدایت دیتے ہوئے کہا کہ چوری چھپے یا آن لائن کاروبار میں ملوث ملزمان کو قانون کی گرفت میں لا کر قرار واقعی سزائیں دلوائی جائیں۔ انسانی جانوں سے کھیلنے والے مجرمان کسی رعایت کے مستحق نہیں ، سرکل افسران کی قیادت میں ٹارگٹڈ آپریشنز میں تیزی لائی جائے۔
(روز نامہ نوائے وقت)
٭٭٭٭٭٭٭٭٭٭٭٭٭٭٭٭٭