پولیس ملازمین کی ہیلتھ ویلفئیر کیلئے اقدامات جاری، ڈاکٹر عثمان انور

انسپکٹر جنرل پولیس پنجاب ڈاکٹر عثمان انور کی جانب سے پولیس ملازمین کی ہیلتھ ویلفیئر کیلئے اقدامات جاری ہیں جس کے تسلسل میں آئی جی پنجاب نے مختلف اضلاع میں تعینات 07 پولیس ملازمین کو طبی اخراجات کی ادائیگی کیلئے مزید 11 لاکھ روپے سے زائد جاری کر نے کی منظوری دے دی ہے۔ تفصیلات کے مطابق لاہور پولیس کے کانسٹیبل محمد عتیق کو بیٹے اور بیٹی کے عارضہ کینسر کے علاج کیلئے 05 لاکھ روپے دئیے گئے، ڈسپلن برانچ کے اسسٹنٹ عبید الرحمان کو اہلیہ اور بیٹے کے عارضہ تنفس کے علاج کیلئے اڑھائی لاکھ روپے جاری کئے گئے، لاہور پولیس کے کانسٹیبل محمد عرفان کو بیٹے کی ٹانگ کے علاج کیلئے 01 لاکھ 50 ہزار روپے دئیے گئے، راولپنڈی کے ہیڈ کانسٹیبل شاہد سلیم کو اہلیہ کے کینسر کے علاج کیلئے 01 لاکھ روپے جاری کئے گئے۔