چیئرمین اخوت فاؤنڈیشن کی آئی جی سے ملاقات

 چیئرمین اخوت فاؤنڈیشن ڈاکٹر امجد ثاقب نے سنٹرل پولیس آفس کا دورہ کیا  اور آئی جی پنجاب ڈاکٹر عثمان انور سے ملاقات کی، آئی جی پنجاب نے ڈاکٹر امجد ثاقب کو پولیس تحفظ مراکز کے کردار، اہمیت اور اغراض و مقاصد سے آگاہ کیا۔ آئی جی پنجاب نے ڈاکٹر امجد ثاقب کو بتایا کہ معاشرے کے ٹھکرائے، نادار اور استحصال کا شکار افراد کیلئے پولیس تحفظ مراکز کلیدی کردار ادا کر رہے ہیں، تحفظ مراکز میں ٹرانسجینڈرز کو وکٹم سپورٹ آفیسر تعینات کیا گیا ہے، لاہور میں 03 جبکہ صوبے کے تمام اضلاع میں ایک تحفظ مرکز سماجی مسائل کے شکار شہریوں کو خدمات فراہم کر رہے ہیں۔ آئی جی پنجاب نے کہا کہ تحفظ مراکز کے ذریعے تشدد کا شکار بے گھر بچوں، خواتین اور ٹرانسجینڈرز کی مدد و بحالی یقینی بنائی جا رہی ہے، اسی طرح منشیات کے عادی اور ذہنی امراض کا شکار بچوں و افراد کی مدد اور علاج معالجے کیلئے اقدامات جاری ہیں۔ ڈاکٹر امجد ثاقب نے پنجاب پولیس کے تحفظ مراکز کی کارکردگی اور خدمات کو سراہا۔ 

(روز نامہ سٹی 42)