سنٹرل پولیس آفس:آئی جی پنجاب ڈاکٹر عثمان انور سے ڈی پی او چنیوٹ عبداللہ احمد اور انکی ٹیم کی ملاقات

آئی جی پنجاب ڈاکٹر عثمان انور سے ڈی پی او چنیوٹ عبداللہ احمد اور انکی ٹیم نے سنٹرل پولیس آفس لاہور میں ملاقات کی۔ ڈی پی او چنیوٹ عبداللہ احمد نے پولیس اسٹیشن ڈائریز کے تحت چنیوٹ تعیناتی کے دوران ضلعی پولیس کی کارکردگی بارے بریفنگ دی۔ ڈی پی او نے چنیوٹ پولیس کی کارکردگی بارے بریفنگ دیتے ہوئے بتایا کہ پولیس نے گزشتہ چار ماہ کے دوران ڈکیتوں اور مجرمان سے 60 ملین سے زائد کا مال مسروقہ برآمد کرکے اصل مالکان کو واپس دلوایا۔ناجائز اسلحہ کے خلاف کاروائی میں 167 مقدمات درج، 167 ملزمان گرفتار، قبضہ سے 5 کلاشنکوف، 26 بندوقیں، 09 رائفل اور 116 پسٹل برآمد کیے۔ اسی طرح چنیوٹ پولیس نے 5 بلائنڈ مرڈر ٹریس کئے، مجموعی طور پر قتل کے 23 مقدمات کے ملزمان کو گرفتار کرکے حوالات جوڈیشل بھیجاجبکہ 664 اشتہاری مجرمان کو گرفتار کیا، 14 ڈکیت گینگز کے 38 ملزمان کو گرفتار کرکے 10 ملین روپے سے زائد کا مال مسروقہ برآمد کیا۔چنیوٹ پولیس نے منشیات کے خلاف کریک ڈاون میں 145 کلو گرام چرس، 15267 لیٹر شراب و لہن برآمدکی۔ بجلی چوری کے خلاف کریک ڈاؤن میں 494 مقدمات درج کرکے ملزمان کو گرفتار کیا گیا۔

ڈی پی او چنیوٹ نے بریفنگ دیتے ہوئے بتایا کہ مختلف رینک کے 69 پولیس افسران و اہلکاروں کو نئے عہدے پر ترقی دی گئی۔ آرگنائزڈ کرائم یونٹ نے مختلف 55 مقدمات  میں 30 ملزمان کو ٹریس کرکے 5 ملین کا مال مسروقہ برآمد کیا جبکہ گھروں سے لاپتہ 8 بچوں کو تلاش کرکے والدین کے سپرد کیا۔

آئی جی پنجاب نے ڈکیتی، قتل سمیت دیگر سنگین نوعیت کے کیسزکو کامیابی سے ٹریس کرنے پر چنیوٹ پولیس کو شاباش دیتے ہوئے کہا کہ شہریوں کی جان و مال کے تحفظ اور انسداد جرائم کیلئے جدید ٹیکنالوجی سے بھرپور استفادہ جاری رکھا جائے۔انہوں نے کہا کہ شہریوں کیلئے پبلک سروس ڈلیوری کو موثر حکمت عملی سے مزید آسان بنایا جائے۔

 

(ہینڈ آؤٹ  نمبر 850)

سیدمبشر حسین

ڈائریکٹر پبلک ریلیشن

پنجاب پولیس

***************************