قتل ، ڈکیتی اور اغواء میں ملوث خطرناک اشتہاریوں کے خلاف کریک ڈاؤن میں تیزی، بیرون ملک فرار ہونے والا ایک اور اشتہاری وطن واپسی پر گرفتار
رواں برس بیرون ملک مفرور ہونے والے گرفتار اشتہاریوں کی مجموعی تعداد 117 ہوگئی
پنجاب پولیس سپیشل آپریشن سیل کی ٹیم نے ملزم کا نام پرویزنل نیشنل آئیڈنٹیفیکیشن لسٹ (PNIL) میں شامل کروایا
ائیر پورٹ پر ریکارڈ چیکنگ کے دوران ملزم گرفتار ہوا، مزید کاروائی کیلئے منڈی بہاؤالدین پولیس کے حوالے کر دیا گیا،
انسپکٹر جنرل پولیس پنجاب کی ہدایت پر قتل ، ڈکیتی اور اغواء سمیت دیگر سنگین جرائم میں ملوث خطرناک اشتہاریوں کی گرفتاریوں کیلئے کریک ڈاؤن میں تیزی لائی گئی ہیں جس کے تسلسل میں بیرون ملک فرار ہونے والا ایک اور اشتہاری گرفتار کر لیا گیا ہے۔ رواں برس بیرون ملک مفرور ہونے والے گرفتار اشتہاریوں کی مجموعی تعداد 117 ہوگئی ہے ۔ ترجمان پنجاب پولیس نے بتایا کہ قتل کے مقدمے میں ملوث خطرناک اشتہاری شعیب امجد بیرون ملک سے وطن واپس آ رہا تھا، پنجاب پولیس سپیشل آپریشن سیل کی ٹیم نے ملزم کا نام پرویزنل نیشنل آئیڈنٹیفیکیشن لسٹ (PNIL) میں شامل کروایا، ائیر پورٹ پر ریکارڈ چیکنگ کے دوران نشاندہی ہونے پر ملزم گرفتار ہوا، مزید کاروائی کیلئے منڈی بہاؤالدین پولیس کے حوالے کر دیا گیا،
آئی جی پنجاب نے اے کیٹیگری خطرناک اشتہاری کی گرفتاری کیلئے مسلسل فالواپ پر متعلقہ ٹیم کو شاباش دی ، انہوں نے کہا کہ قانونی مراحل جلد از جلد مکمل کرکے ملزم کو قرار واقعی سزا دلوائی جائے، سائنسی شواہد پر تفتیش کو آگے بڑھاتے ہوئے بیرون ملک مفرور دیگر اشتہاریوں کی گرفتاری کیلئے بھرپور کاوشیں کی جائیں ۔ آئی جی پنجاب نے مزید کہا کہ ایف آئی اے ، انٹرپول اور دیگر اداروں کے ساتھ باقاعدگی سے انفارمیشن شئیرنگ یقینی بنائی جائے اور ہائی پروفائل کیسز میں ملوث خطرناک اشتہاریوں کو پابند سلاسل کروا کے قرار واقعی سزائیں دلوائی جائیں۔
(ہینڈ آؤٹ نمبر 646 )
سیدمبشر حسین
ڈائریکٹر پبلک ریلیشن
پنجاب پولیس
***************************
