پنجاب پولیس بجلی چوروں کے خلاف روزانہ کی بنیاد پر 01 ہزار سے زائد مقدمات درج کر رہی ہے،آئی جی پنجاب ڈاکٹر عثمان انور

انسپکٹر جنرل پولیس پنجاب ڈاکٹر عثمان انور نے بجلی چوری سے ملکی خزانے کو نقصان پہنچانے والے ملک و سماج دشمن عناصر کے خلاف کریک ڈاؤن کیلئے تمام آرپی اوز، سی پی اوز اور ڈی پی اوز کو احکامات جاری کئے ہیں، آئی جی پنجاب ڈاکٹر عثمان انور نے بجلی چوروں کے خلاف کریک ڈاؤن بارے خصوصی ویڈیو پیغام میں بتایا کہ لاہور سمیت صوبہ بھر میں بجلی چوروں کے خلاف پنجاب پولیس کے کریک ڈاؤن میں تیزی لائی گئی ہے اور پنجاب پولیس بجلی چوروں کے خلاف روزانہ کی بنیاد پر 01 ہزار سے زائد مقدمات درج کر رہی ہے،آئی جی پنجاب ڈاکٹر عثمان انور نے کہاکہ بجلی چوری میں ملوث سماج دشمن عناصر ملکی خزانے کو سالانہ 600 ارب روپے کا نقصان پہنچا رہے ہیں اوربجلی چوروں کا ملکی خزانے پر ایک برس کا ڈاکہ صوبے بھر میں 15 برسوں کے دوران جرائم میں لوٹی جانے والی رقم کے مساوی ہے، آئی جی پنجاب نے کہاکہ چوری، ڈاکے اور جرائم کی دیگر وارداتوں میں لوٹی جانے والی مجموعی سالانہ رقم بجلی چوری کے مقابلے میں انتہائی کم ہے، پنجاب پولیس شب و روز انسداد جرائم کا مشن جاری رکھے ہوئے ہے۔ آئی جی پنجاب ڈاکٹر عثمان انور نے کہاکہ بجلی چوری کے ڈاکے میں ملوث وطن دشمن عناصر و ملزمان کو اب کوئی رعایت نہیں ملے گی، وزیر اعظم پاکستان، وزیر اعلی پنجاب کی ہدایت پر پنجاب پولیس بجلی چور عناصر کے خلاف کریک ڈاؤن میں تیزی لارہی ہے، دیہاتوں، شہروں، فیکٹریوں، کمرشل سطح پر بجلی چوری کرنے والے ملزمان کو قانون کی گرفت میں لایا جارہا ہے، آئی جی پنجاب ڈاکٹر عثمان انور نے کہاکہ کنڈے ڈال کر،ٹرانسفارمر سے براہ راست، میٹر میں ٹیمپرنگ یا کسی بھی طریقے سے بجلی چوری کرنے والوں کو کوئی رعایت نہیں ملے گی۔

آئی جی پنجاب ڈاکٹر عثمان انور نے کہاکہ ملکی خزانے پر بجلی چوری کی صورت پڑنے والے اس ڈاکے کا خمیازہ بل ادا کرنے والے شریف صارفین کو اپنی جیبوں سے ادا کرنا پڑتا ہے،،شہریوں کی دن رات محنت کی اس حلال کمائی پر بجلی چوروں کو ڈاکہ ڈالنے کی اجازت ہرگز نہیں دی جائے گی، آئی جی پنجاب نے شہریوں سے بھی درخواست کی کہ وہ اپنے ارد گرد چوری میں ملوث بجلی چوروں کے خلاف انفارمیشن دے کر پولیس، ضلعی انتظامیہ اور متعلقہ اداروں کے ساتھ تعاون کریں تاہم ملکی خزانے کو نقصان پہنچانے والے ان سماج دشمن عناصر کے خلاف کاروائیوں کو مزید تیز کیا جاسکے۔

 

 

(ہینڈ آؤٹ  نمبر 635 )

سیدمبشر حسین

ڈائریکٹر پبلک ریلیشن

پنجاب پولیس

***************************