آئی جی پنجاب ڈاکٹر عثمان انور کا مناواں کے علاقہ اعوان ڈھائے والا میں دو افراد کے قتل کے واقعہ کا نوٹس

انسپکٹر جنرل پولیس پنجاب ڈاکٹر عثمان انور نے مناواں کے علاقہ اعوان ڈھائے والا میں دو افراد کے قتل کے واقعہ کا نوٹس لیتے ہوئے سی سی پی او لاہور سے واقعہ کی رپورٹ طلب کرلی ہے۔ آئی جی پنجاب ڈاکٹر عثمان انور نے ملزمان کی گرفتاری کیلئے فوری اقدامات کا حکم دیتے ہوئے کہاکہ واقعہ کی ہر پہلو سے تفتیش کرتے ہوئے ملزمان کو جلد از جلد گرفتار کیا جائے۔ آئی جی پنجاب نے ہدایت کی کہ مقتولین کے لواحقین کو انصاف کی فراہمی ترجیحی بنیادوں پر یقینی بنائی جائے۔