آئی جی پنجاب ڈاکٹرعثمان انور کی چہلم حضرت امام حسین ؓ کی سکیورٹی کے بہترین انتظامات پر پولیس فورس کو شاباش

انسپکٹر جنرل پولیس پنجاب ڈاکٹرعثمان انور نے چہلم حضرت امام حسین ؓ کی سکیورٹی کے بہترین انتظامات پر پولیس فورس کو شاباش دی ہے۔ فورس کے نام جاری آڈیو پیغام میں آئی جی پنجاب نے کہاکہ پولیس فورس نے چہلم حضرت امام حسین ؓ  کے موقع پر صوبہ بھر میں 677 مجالس اور378 عزاداری جلوسوں کو فول پروف سکیورٹی فراہم کی اور صوبہ بھر میں امن وامان کی فضا کو برقرار رکھا۔ ڈاکٹر عثمان انور نے سی سی پی او لاہور سمیت صوبہ بھر کے تمام آر پی اوز اور ڈی پی اوز، ٹریفک پولیس افسران کی کارکردگی کو سراہا۔

آئی جی پنجاب ڈاکٹر عثمان انور نے کہاکہ چہلم حضرت امام حسین ؓ پر صوبائی دارالحکومت سمیت پنجاب بھر میں حالات پرامن رہے، کسی بھی جگہ کوئی ناخوشگوار واقعہ پیش نہیں آیا، وزیر اعلٰی پنجاب محسن نقوی، صوبائی وزرا، مشیران، علاقائی نمائندوں نے سکیورٹی انتظامات میں پنجاب پولیس کو بہترین رہنمائی فراہم کی، آئی جی پنجاب نے مزیدکہاکہ جانفشانی سے فرائض سر انجام دینے پر سپیشل برانچ، سی ٹی ڈی سمیت تمام پنجاب پولیس کے تمام آپریشنل یونٹس تحسین کے مستحق ہیں، پنجاب پولیس کو چہلم حضرت امام حسین ؓ کی سکیورٹی یقینی بنانے میں پاک فوج اور رینجز کا تعاون حاصل رہا، آئی جی پنجاب ڈاکٹر عثمان انور نے کہاکہ شہریوں،مختلف مکاتبِ فکرکے علما کرام، سکیورٹی اداروں اور میڈیا کے بھر پور تعاون پر شکرگذار ہیں، آئی جی پنجاب نے پولیس فورس کوہدایت کی کہ عوام کے جان و مال کے تحفظ کے لیے افسران و اہلکار مستقبل میں بھی اسی جذبے کے ساتھ کام جاری رکھیں۔

 

 

(ہینڈ آؤٹ  نمبر 596 )

سیدمبشر حسین

ڈائریکٹر پبلک ریلیشن

پنجاب پولیس

***************************