آئی جی سے ریٹائرڈ ہونے والےڈی ایس پیز کی ملاقات

آئی جی پنجاب ڈاکٹر عثمان انور کی جانب سے سنٹرل پولیس آفس میں پنجاب پولیس کے ریٹائرڈ ہونے والے ڈی ایس پیز کے اعزاز میں تقریب سجائی گئی جس میں آئی جی پنجاب نے محکمہ پولیس کیلئے گراں قدر خدمات سر انجام دینے پر ریٹائرڈ افسران کا شکریہ ادا کیا۔ آئی جی پنجاب ڈاکٹر عثمان انور نے ریٹائرڈ ہونے والے ڈی ایس پیز سے ملاقات میں کہا کہ پنجاب پولیس ایک فیملی ہے، ریٹائرڈ افسران و اہلکار ہمیشہ ہمارا حصہ رہیں گے۔آئی جی پنجاب نے مزید کہا کہ پنجاب پولیس انصاف کی فراہمی اور انتظامی امور کی بہتری کے لئے ریٹائرڈ افسران کے تجربات اور تجاویز سے استفادہ کرتی رہے گی۔ ڈاکٹر عثمان انور نے بتایا کہ ریٹائرڈ افسران، اہلکاروں اور انکی فیملیز کی بہترین ویلفیئر کیلئے متعدد پراجیکٹس جاری ہیں،

(روز نامہ جناح)

************