آئی جی پنجاب ڈاکٹر عثمان انور کی ہدایت / بیرون ملک سے ایک اور خطرناک اشتہاری گرفتار ، مجموعی تعداد 101 ہو گئی

انسپکٹر جنرل پولیس پنجاب ڈاکٹر عثمان انور کی  ہدایت پر  بیرون ملک مفرور اشتہاریوں کے خلاف کریک ڈاؤن جاری ہے اور اس سلسلے میں قتل کے مقدمے میں ملوث خطرناک اشتہاری کو پنجاب پولیس کی ٹیم عمان سے گرفتار کرکے پاکستان لے آئی ہے۔ ترجمان پنجاب پولیس نے بتایا کہ عبداللہ نامی اشتہاری ملزم کو انٹرپول کی مدد سے عمان سے گرفتار کرکے پاکستان لایا گیا اور لاہور ائیر پورٹ سے ملزم کو بہاولنگر پولیس کے حوالے کردیا گیا ۔ترجمان پنجاب پولیس نے مزید کہا کہ عبداللہ نامی اشتہاری نے فورٹ عباس بہاولنگر میں دیرینہ دشمنی پر فائرنگ کرکے شہری کو قتل کیا تھا اور گرفتاری سے بچنے کیلئے بیرون ملک عمان فرار ہو گیا تھا ۔ ترجمان پنجاب پولیس نے مزید کہا کہ اشتہاری عبداللہ کی گرفتاری سے بیرون ملک سے  گرفتار اشتہاریوں کی تعداد 101 ہو گئی ہے ، گرفتار ہونے والے ان 101 اشتہاریوں کو امریکہ ، برطانیہ ، یورپ ، جنوبی افریقہ،  متحدہ عرب امارات سمیت دیگر ممالک سے گرفتار کرکے پاکستان لایا گیا ہے ۔

آئی جی پنجاب ڈاکٹر عثمان انور کی خطرناک اشتہاری کو گرفتار کرنے والی پولیس ٹیم کو شاباش دیتے ہوئے کہا کہ سنگین جرائم میں ملوث اشتہاریوں کے خلاف گھیرا مزید تنگ کیا جائے ، انٹرپول ، ایف آئی اے اور دیگر اداروں کے تعاون سے مجرمان کو قانون کی گرفت میں لایا جائے۔ ڈاکٹر عثمان انور نے ہدایت کی کہ آر پی اوز ، ڈی پی اوز اشتہاری مجرمان کی گرفتاری کی رپورٹس باقاعدگی سے سی پی او بھجوائیں۔ 

 

 

(ہینڈ آؤٹ  نمبر 450 )

سیدمبشر حسین

ڈائریکٹر پبلک ریلیشن

پنجاب پولیس

***************************