Oct 25, 2022
انسپکٹر جنرل پولیس پنجاب فیصل شاہکار نے کوٹ ادو میں ڈاکوؤں کی فائرنگ سے تین نوجوانوں کی ہلاکت کے واقعہ کا نوٹس لیتے ہوئے ایڈیشنل آئی جی جنوبی پنجاب سے واقعہ کی رپورٹ طلب کر لی ہے۔ آئی جی پنجاب نے ملزمان کی جلد گرفتاری کیلئے سپیشل ٹیمیں تشکیل دینے کی ہدایت کی۔ انہوں نے کہا کہ ملزمان کی جلد گرفتاری کیلئے ہر ممکن اقدامات کئے جائیں اور ملزمان کو جلد از جلد گرفتار کرکے قرار واقعی سزا دلوائی جائے گی۔ آئی جی پنجاب نے سپروائزری افسران کو ہدایت کی کہ وہ متاثرہ فیملیز کے ساتھ قریبی رابطہ رکھیں اور لواحقین کو انصاف کی فراہمی ترجیحی بنیادوں پر یقینی بنائی جائے۔
(روز نامہ نئی بات)
**************