قلعہ گجر لائنز ہسپتال میں کل فری آئی کیمپ لگے گا

Jun 20, 2022

انسپکٹر جنرل پولیس پنجاب راؤ سردار علی خان کی ہدایت پر پولیس ملازمین کی ویلفیئر کیلئے اقدامات کا سلسلہ جاری ہے اور اسی سلسلے میں پولیس ملازمین کو فری طبی سہولیات کی فراہمی کیلئے 20 اور 21 جون کو پولیس لائنز قلعہ گجر سنگھ ہسپتال میں دو روزہ " فری آئی کیمپ " لگایا جائے گا ۔ ترجمان پنجاب پولیس نے بتایا کہ فری میڈیکل کیمپ میں ماہر امراض چشم و آئی سپیشلسٹ میڈیکل کیمپ میں آنے والے ملازمین اور انکے اہل خانہ کا فری چیک اپ کریں گے اور  آئی کیمپ میں پولیس افسران ، اہلکاران اور انکی فیملیز کو فوری چیک اپ کے بعد ادویات بھی دی جائیں گی ۔ ترجمان پنجاب پولیس نے بتایا کہ فری آئی کیمپ کا مقصد پولیس ملازمین کو جدید طبی سہولیات کی با آسانی فراہمی کو یقینی بنانا ہے اور لاہور کے علاوہ دیگر اضلاع کی پولیس لائنز میں بھی مستقبل میں میڈیکل کیمپس کا انعقاد کیا جائے گا۔

روزنامہ جہان پاکستان

*********