پولیس ٹریننگ کالج چوہنگ لاہور میں 13ویں لیڈی ریکروٹ کورس کی پاسنگ آؤٹ پریڈ کا انعقاد

پولیس ٹریننگ کالج چوہنگ لاہور میں 13ویں لیڈی ریکروٹ کورس کی پاسنگ آؤٹ پریڈ کا انعقاد
13واں لیڈی ریکروٹ کورس ڈی جی خان، لیہ اورمظفر گڑھ سمیت 11 اضلاع کی 681 خواتین اہلکاروں 
نے پاس کیا ہے۔
 لیڈی اہلکاروں کو اسلحہ ہینڈلنگ، اینٹی رائٹس سمیت فیلڈ ڈیوٹی کیلئے درکار تمام مہارتوں کی عملی تربیت فراہم کی گئی۔کمانڈنٹ پولیس ٹریننگ کالج لاہور
آئی جی پنجاب راؤ سردار علی خان کے ویژن کے مطابق خواتین اہلکاروں کی تربیت اور ویلفیئر پر خصوصی توجہ دی جا رہی ہے۔ ڈی آئی جی ٹریننگ پنجاب
پنجاب پولیس میں خواتین اہلکاروں و افسران کی تعداد میں اضافہ کیا جا رہا ہے اور خواتین کو مردوں کے شانہ بشانہ ملک و قوم کی خدمت کے یکساں مواقع میسر ہیں۔ ڈی آئی جی ٹریننگ
لیڈی پولیس اہلکار عملی زندگی میں پولیس کے پاس آنے والی مظلوم و مجبور خواتین کی بھرپور مدد کریں۔ ڈی آئی جی ٹریننگ پنجاب

ڈی آئی جی ٹریننگ پنجاب راؤ عبد الکریم نے کہا ہے کہ آئی جی پنجاب راؤ سردار علی خان کے ویژن کے مطابق خواتین اہلکاروں کی تربیت اور ویلفیئر پر خصوصی توجہ دی جا رہی ہے۔ ڈی آئی جی ٹریننگ پنجاب راؤ عبدا لکریم نے کہا کہ پنجاب پولیس میں خواتین اہلکاروں و افسران کی تعداد میں اضافہ کیا جا رہا ہے اور خواتین کو مردوں کے شانہ بشانہ ملک و قوم کی خدمت کے یکساں مواقع میسر ہیں۔ ڈی آئی جی ٹریننگ نے کہا کہ ملک و قوم کے تحفظ کو یقینی بنانے کے لئے پنجاب پولیس کی خواتین بھی کسی سے پیچھے نہیں اور لیڈی پولیس اہلکاروں کی تربیت کا بھی وہی اعلی معیار رائج ہے جو مرد اہلکاروں کے لئے متعین کیا گیا ہے کیونکہ فیلڈ ڈیوٹی کے دوران انہیں ہر طرح کی صورت حال کا سامنا کرنا پڑ سکتا ہے۔ راؤ عبدالکریم نے کہا کہ تربیت حاصل کر کے پاس آؤٹ ہونے والی لیڈی اہلکاروں پر عملی زندگی میں قدم رکھتے ہی بھاری ذمہ داری عائد ہو رہی ہے اور میں امید کرتا ہوں کہ آپ خاص طور پر پولیس کے پاس آنے والی مظلوم و مجبور خواتین کی بھرپور مدد کریں گی اور یہاں سے حاصل کی گئی عمدہ و جدید تربیت کے ذریعے فیلڈ میں دیانت داری، جرات مندی اور خلوص دل سے اپنے فرائض سر انجام دیں گی۔ ڈی آئی جی ٹریننگ نے کہا کہ پنجاب پولیس کی خواتین اہلکاروں نے ہمیشہ فرض شناسی کا اعلی مظاہرہ کرتے ہوئے تاریخ رقم کی ہے جو قابل ستائش ہے۔ ان خیالات کا اظہار انہوں نے پولیس ٹریننگ کالج چوہنگ لاہور میں تیرھویں لیڈی ریکروٹ کورس کی پاسنگ آوٹ پریڈ میں  بطور مہمان خصوصی شرکت کرتے ہوئے افسران و اہلکاروں سے خطاب کرتے ہوئے کیا۔