آئی جی پنجاب راؤ سردار علی خان کی 23ویں بیسک ایلیٹ کورس کی پاسنگ آؤٹ پریڈمیں بطور مہمان خصوصی شرکت

آئی جی پنجاب راؤ سردار علی خان کی 23ویں بیسک ایلیٹ کورس کی پاسنگ آؤٹ پریڈمیں بطور مہمان خصوصی شرکت
ایلیٹ فورس پنجاب پولیس کا ہراول دستہ،مشکل سے مشکل آپریشن اور دہشت گردوں کے خاتمے کی بھرپور صلاحیت رکھتی ہے۔ آئی جی پنجاب
ایلیٹ فورس کے جوانوں نے اپنی جانوں کے نذرانے پیش کر کے پنجاب پولیس کے وقارکو بلند کیا ہے۔ آئی جی پنجاب راؤ سردار علی خان
جدید تقاضوں کے مطابق پیشہ ورانہ سہولیات کی فراہمی کے ساتھ ساتھ ایلیٹ کی نفری کو بڑھایا جا رہا ہے۔ آئی جی پنجاب
اہلکاروں نے فائرنگ ٹیکینکس، فائٹنگ، مارشل آرٹس،دہشت گرد حملے کو ناکام بنانے سمیت دیگر مہارتوں کا عملی مظاہرہ بھی کیا۔
ایلیٹ فور س کے جوانوں نے شہریوں کی جان و مال اورارض پاک کے تحفظ کی خاطر جانوں کے نذرانے پیش کرنے کا حلف لیا۔
کورس مکمل کرنے والوں میں پنجاب پولیس کے 583 جبکہ گلگت بلتستان پولیس کے 47 اہلکار شامل ہیں۔ کمانڈنٹ ایلیٹ ٹریننگ سکول

انسپکٹر جنرل پولیس پنجاب راؤ سردار علی خان نے کہا ہے کہ ایلیٹ فورس پنجاب پولیس کا ہراول دستہ ہے جس کے جانباز مشکل سے مشکل آپریشن کامیابی سے سر انجام دینے کی پوری صلاحیت رکھتے ہیں۔ آئی جی پنجاب نے کہاکہ ایلیٹ فورس کے جوانوں نے فرائض کی ادائیگی میں خون، پسینے کے ساتھ ساتھ اپنی جانوں کے نذرانے پیش کرکے پنجاب پولیس کے وقار کو بلند کیا ہے اور یہی وجہ ہے کہ ہائی پروفائل آپریشنز اور ڈیوٹیاں سر انجام دینے کیلئے ایلیٹ فورس کے جوانوں کا انتخاب کیا جاتا ہے۔ راؤ سردار علی خان نے کہاکہ ایلیٹ فورس کے جوانوں نے اپنے اچھے کام، مثبت رویے اور پیشے سے لگن کی بدولت سکیورٹی فورسز میں اپنا منفرد مقام بنایا ہے اسی لئے ایلیٹ فورس کو جدید تقاضوں کے مطابق پیشہ ورانہ وسائل کی فراہمی کے ساتھ ساتھ ایلیٹ کی نفری کو بڑھایا جا رہا ہے۔ آئی جی پنجاب نے کہاکہ ایلیٹ فورس کے زیر تربیت اہلکاروں کو بہترین ماحول میں ماہر انسٹرکٹرز کی زیر نگرانی انتہائی جدید پیشہ ورانہ تربیت فراہم کی جاتی ہے۔ انہوں نے ہدایت کی کہ ایلیٹ فورس کے جوان پوری دیانتداری اور نظم و ضبط سے سرانجام دیں اور معاشرے کا امن خراب کرنے والے دہشت گردوں کے ناپاک عزائم کو خاک میں ملاتے رہیں۔آئی جی پنجاب نے ا یلیٹ فورس کے 25 سال مکمل ہونے پر مبارکباد پیش کی اور ایلیٹ اہلکاروں کو اپنے فرائض جذبہ حب الوطنی کے تحت ادا کرنے کی تلقین کی۔ان خیالات کا اظہار انہوں نے آج ایلیٹ ٹریننگ سکول بیدیاں میں 23ویں بیسک ایلیٹ کورس کی پاسنگ آؤٹ پریڈ میں بطور مہمان خصوصی شرکت کرتے ہوئے افسران واہلکاروں سے خطاب کرتے ہوئے کیا۔

کمانڈنٹ ایلیٹ ٹریننگ سکول لیفٹیننٹ کرنل نوید وقاص نے آئی جی پنجاب کو بتایا کہ 23واں بیسک ایلیٹ کورس پنجاب اور گلگت بلتستان سے تعلق رکھنے والے 630 پولیس اہلکاروں نے کامیابی سے مکمل کیا ہے۔ پاس آؤٹ ہونے والوں میں پنجاب پولیس کے 583 جبکہ گلگت بلتستان پولیس کے 47 اہلکار شامل ہیں۔ کمانڈنٹ ایلیٹ ٹریننگ سکول لیفٹیننٹ کرنل نوید وقاص نے بتایاکہ کورس مکمل کرنے والوں میں 8 سب انسپکٹر، 17 اے ایس آئی، 6 ہیڈ کانسٹیبل اور 599 کانسٹیبل شامل ہیں جنہیں 24ہفتے دورانئے پر مشتمل جدید پیشہ ورانہ ایلیٹ تربیت فراہم کی گئی ہے اور وہ دوران ڈیوٹی ہر چیلنج اور مشکل کا سامنا کرنے کیلئے پوری طرح تیار ہیں۔پاسنگ آؤٹ پریڈ کے دوران اہلکاروں نے ٹریننگ کے دوان حاصل کی گئی تربیت اور مہارتوں کا عملی مظاہرہ کیا۔اہلکاروں نے فائرنگ ٹیکینکس، فائٹنگ، مارشل آرٹس،دہشت گرد حملے کو ناکام بنانے سمیت دیگر مہارتوں کا عملی مظاہرہ کیا۔آئی جی پنجاب راؤ سردار علی خان نے تربیتی کورس کے دوران بہترین کارکردگی کا مظاہرہ کرنے والے اہلکاروں میں انعامات تقسیم کئے۔ پاسنگ آؤٹ پریڈ کے موقع پر ایلیٹ فور س کے جوانوں نے شہریوں کی جان و مال اورارض پاک کے تحفظ کی خاطر جانوں کے نذرانے پیش کرنے کا حلف لیاجبکہ پاس ہونے والے ایلیٹ جوانوں نے آئی جی پنجاب کو سلامی پیش کی۔ پاسنگ آؤٹ پریڈ میں کمانڈنٹ ایلیٹ ٹریننگ سکول لیفٹیننٹ کرنل نوید وقاص، سی سی پی او لاہور، ایڈیشنل آئی جی آپریشنز، ایڈیشنل آئی جی سپیشل برانچ، ایڈیشنل آئی جی ویلفیئر، ڈی آئی جیز، اے آئی جیز اور دیگر افسران نے شرکت کی۔

(ہینڈ آؤٹ 165 )

اُسامہ محمود

ڈائریکٹر پبلک ریلیشن

پنجاب پولیس

***************************

Press Release Date:

Friday, March 18, 2022