آئی جی پنجاب راؤ سردار علی خان کا دورہ سرگودھا / آر پی او آفس میں اجلاس کی صدارت کے دوران ہدایات جاری کیں۔
آئی جی پنجاب نے سرگودھا ریجن کے شہدائے پولیس کی فیملیز سے ملاقات کی اور ان میں تحائف تقسیم کیے۔
تھانوں میں آنے والے سائلین سے خوش اخلاقی سے پیش آیا جائے اور پولیس کا ہر جوان اپنی ڈیوٹی کو عبادت سمجھ کر ادا کرے۔ آئی جی پنجاب
خواتین اور بچوں پر تشدد، زیادتی اور اغواء کے واقعات پر زیروٹالرنس پالیسی کے تحت اقدامات کیے جائیں۔ راؤ سردار علی خان
جرائم کی شرح میں کمی لانے کے لیے ایف آئی آر کے اندراج کے ساتھ ساتھ انویسٹی گیشن کے معیار کو بہتر بنایا جائے۔ آئی جی پنجاب
پولیس ہال میں آئی جی پنجاب نے اہلکاروں کے مسائل سنے اور حل کے لیے موقع پر احکامات جاری کیے۔
انسپکٹر جنرل پولیس پنجاب راؤ سردار علی خان نے کہا ہے کہ شہریوں کی بے لوث خدمت اور انکی جان و مال کی حفاظت پنجاب پولیس کا نصب العین ہے جس کیلئے تمام اہلکار و افسران بھرپود محنت، فرض شناسی اور پروفیشنلزم کے ساتھ اپنے فرائض ادا کریں۔ انہوں نے ہدایت کی کہ پولیس اسٹیشن میں آنے والے سائلین سے خوش اخلاقی سے پیش آیا جائے اور پولیس کا ہر جوان اپنی ڈیوٹی کو عبادت سمجھ کر ادا کرے۔ راؤ سردار علی خان نے ہدایت کی کہ جرائم کی شرح میں کمی لانے کے لیے ایف آئی کے اندراج کے ساتھ ساتھ انویسٹی گیشن کے معیار کو بہتر بنایا جائے۔ انہوں نے کہا کہ پنجاب پولیس میں پہلے جزا اور پھر سزا کو یقینی بنایا جا رہا ہے، کرپٹ اہلکار و افسران کی پنجاب پولیس میں کوئی جگہ نہیں اور انہیں محکمہ سے نکال باہر کیا جائے گا۔ راؤ سردار علی خان نے تاکید کی کہ خواتین اور بچوں پر تشدد، زیادتی اور اغواء کے واقعات پر زیروٹالرنس پالیسی کے تحت اقدامات کیے جائیں اور مجرمان کو ہر صورت قرار واقعی سزائیں دلوائی جائیں۔ آئی جی پنجاب نے کہا کہ ہمیں اپنا احتساب خود کرنا چاہئے اور محکمہ کی نیک نامی کیلئے ایمانداری اور خلوص نیت کے ساتھ اپنا کردار ادا کرنا ہوگا۔ راؤ سردار علی خان نے کہا کہ پولیس کا مثبت امیج بہتر کارکردگی سے مشروط ہے لہذا تمام یونٹس اپنی کارکردگی کو بہتر سے بہتر بنائیں۔ یہ ہدایات انہوں نے آج سرگودھا کے دورے کے موقع پر آر پی او آفس میں اجلاس کی صدارت اور پولیس ہال میں اہلکاروں سے خطاب کے دوران جاری کیں۔۔۔
(ہینڈ آؤٹ 42 )
اُسامہ محمود
ڈائریکٹر پبلک ریلیشن
پنجاب پولیس
***************************
