بزنس ایکسپوز اور کاروباری سرگرمیوں کے تحفظ کیلئے پنجاب پولیس ہر ممکن اقدامات کو یقینی بنائے گی۔ آئی جی پنجاب
ایکسپوز میں شرکت کیلئے آنے والے غیر ملکی سرمایہ کاروں کو فول پروف سیکیورٹی فراہم کی جائے گی۔ راؤ سردار علی خان
ملکی معیشت کے فروغ کیلئے سرمایہ کاروں کو پر امن ماحول فراہم کرنا پنجاب پولیس کی اولین ترجیحات میں شامل ہے۔ آئی جی پنجاب
آئی جی پنجاب راؤ سردار علی خان سے سنٹرل پولیس آفس میں ٹریڈ ڈویلپمنٹ اتھارٹی آف پاکستان کے وفد کی ملاقات
انسپکٹر جنرل پولیس پنجاب راؤ سردار علی خان نے کہا ہے کہ ملکی معیشت کے فروغ کے لیے ملکی و غیر ملکی سرمایہ کاروں اور بزنس اسٹیک ہولڈرز کو پر امن ماحول فراہم کرنا پنجاب پولیس کی اولین ترجیحات میں شامل ہے اور اس سلسلے میں پنجاب پولیس تمام وسائل کو بروئے کار لاتے ہوئے ہر ممکن اقدامات کو یقینی بنائے گی۔ آئی جی پنجاب نے ہدایت کی کہ لاہور پولیس ٹریڈ ڈویلپمنٹ اتھارٹی آف پاکستان کے افسران کے ساتھ کلوز کوارڈی نیشن رکھے اور آئندہ ماہ میں ہونے والی دو عالمی بزنس ایکسپوز کے پر امن انعقاد کے حوالے سے جامع حکمت عملی کے تحت سیکیورٹی انتظامات یقینی بنائے۔ راؤ سردار علی خان نے کہاکہ دسویں ویکس نیٹ نمائش اور پاکستان انجینئرنگ اینڈ ہیلتھ کئیر شو میں شرکت کیلئے آنے والے ملکی و غیر ملکی سرمایہ کاروں کو فول پروف سیکیورٹی فراہم کی جائے گی۔ آئی جی پنجاب نے کہاکہ پولیس کاروباری سرگرمیوں کے تحفظ کیلئے ہر ممکن اقدامات کو یقینی بنائے گی تاکہ ٹریڈ اور بزنس کے معاملات ہموار انداز میں چلتے رہیں۔ آئی جی پنجاب نے کہاکہ بزنس ایکسپوز کے ساتھ ساتھ غیر ملکی سرمایہ کاروں کی رہائش گاہوں اور آمد و رفت کی سیکیورٹی کے حوالے سے تفصیلی پلان تشکیل دیا جائے گا۔ ان خیالات کا اظہار انہوں نے آج سنٹرل پولیس آفس میں ٹریڈ ڈویلپمنٹ اتھارٹی آف پاکستان کے تین رکنی وفد کے ساتھ ملاقات کے دوران کیا۔تین رکنی وفد میں ڈائریکٹر خلیل رسول، ڈائریکٹر اللہ داد تارڑ اور ڈپٹی ڈائریکٹر رفیعہ سید شامل تھیں۔ دوران ملاقات لاہور میں آئندہ ماہ منعقد کی جانے والی دو بین الاقوامی نمائشوں کی سیکیورٹی بارے تبادلہ خیال کیا گیا۔
(ہینڈ آؤٹ 28 )
اُسامہ محمود
ڈائریکٹر پبلک ریلیشن
پنجاب پولیس
**************************
