فرید ایکسپریس ٹرین میں بم کی جھوٹی اطلاع دینے والے شخص کوپنجاب پولیس نے گرفتار کر لیا۔
ملزم وسیم اکرم کنگن پور کا رہائشی ہے جس کے خلاف مقدمہ درج کر کے مزید تفتیش شروع کر دی ہے۔ترجمان پنجاب پولیس
ون فائیوپر جھوٹی کال کرنا قانوناً جرم ہے جھوٹی کال کرنے والوں کے خلاف سخت ایکشن لیا جائے گا۔ آئی جی پنجاب
لاہور سے کراچی جانے والی فرید ایکسپریس میں بم نصب کی جھوٹی اطلاع دینے والے ملزم کو پنجاب پولیس نے کنگن پورقصور سے گرفتار کرلیا ہے۔تفصیلات کے مطابق گزشتہ شب وسیم اکرم نامی شخص نے 15 پرکال کرکے جھوٹی اطلاع دی تھی کہ لاہور سے کراچی جانیوالی فرید ایکسپریس کے آخری بوگی میں بم نصب ہے۔ پولیس نے اطلاع ملتے ہی بم ڈسپوزل سکواڈ کے ساتھ مل کر ٹرین کو روک کر سرچ آپریشن کیا تھاتاہم ٹرین میں کوئی بم برآمد نہیں ہوااور مکمل سرچ آپریشن اور تلاشی کے بعد ٹرین کو آگے روانہ کیا گیا۔
(ہینڈ آؤٹ 309 )
اُسامہ محمود
ڈائریکٹر پبلک ریلیشن
پنجاب پولیس
**************************